05 января 2023

    

АДНО АКНО

    

support

Паважаны наведвальнік!

---

З 2 студзеня 2023 г. электронныя звароты грамадзян і юрыдычных асоб можна падаць толькі з выкарыстаннем дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзян і юрыдычных асоб. Адказы і апавяшчэнні на такія звароты таксама будуць накіроўвацца пры дапамозе дадзенай сістэмы.

Па жаданні заяўніка адказ на электронны зварот, як і раней, можа быць накіраваны ў пісьмовым выглядзе. Доступ да сістэмы ўліку і апрацоўкі зваротаў арганізаваны па адрасе https://обращения.бел Перад падачай электроннага звароту заяўніку неабходна ідэнтыфікавацца і аўтарызавацца ў сістэме. Для заяўнікаў доступ да сістэмы, а таксама выкарыстанне інфармацыйных рэсурсаў бясплатны.

У адпаведнасці з Законам Рэспублікі Беларусь «Аб зваротах грамадзян і юрыдычных асоб» ад 18.07.2011 № 300-З (далей – Закон), (са змяненнямі і дапаўненнямі, актуальныя з 2 студзеня 2023 г.) электронныя звароты падлягаюць разгляду ў парадку, устаноўленым для разгляду пісьмовых зваротаў, з улікам асаблівасцей, прадугледжаных артыкулам 25 «Разгляд электронных зваротаў» Закона.

Электронныя звароты выкладаюцца на беларускай ці рускай мове.

 

Электронны зварот грамадзяніна, у тым ліку індывідуальнага прадпрымальніка (далей - грамадзянін) у абавязковым парадку павінен змяшчаць:

• назву і (або) адрас арганізацыі або пасаду і (або) прозвішча, уласнае імя, імя па бацьку (калі такое ёсць) або ініцыялы асобы, якой накіроўваецца зварот;

• прозвішча, уласнае імя, імя па бацьку (калі такое ёсць) або ініцыялы грамадзяніна, адрас яго месца жыхарства (месца знаходжання);

• змест сутнасці звароту.

Электронны зварот юрыдычнай асобы ў абавязковым парадку павінен змяшчаць:

• назву і (або) адрас арганізацыі або пасаду і (або) прозвішча, уласнае імя, імя па бацьку (калі такое ёсць) або ініцыялы асобы, якой накіроўваецца зварот;

• поўную назву юрыдычнай асобы і яе месца знаходжання;

• змест сутнасці звароту;

• прозвішча, уласнае імя, імя па бацьку (калі такое ёсць) або ініцыялы кіраўніка або асобы, упаўнаважанай ва ўстаноўленым парадку падпісваць звароты.

Парадак разгляду электронных зваротаў

Электронныя звароты павінны быць разгледжаны не пазней за 15 дзён, а тыя, што патрабуюць дадатковага вывучэння і праверкі - не пазней за 1 месяц, калі іншы тэрмін не ўстаноўлены заканадаўчымі актамі.

У выпадку, калі для вырашэння выкладзеных у зваротах пытанняў неабходна здзяйсненне пэўных дзеянняў (выкананне работ, аказанне паслуг), атрыманне інфармацыі з замежнай дзяржавы ў тэрміны, якія перавышаюць месячны тэрмін, заяўнікам у тэрмін не пазней за адзін месяц з дня, наступнага за днём паступлення зваротаў, накіроўваецца апавяшчэнне аб прычынах перавышэння месячнага тэрміну і тэрмінах здзяйснення такіх дзеянняў (выканання работ, аказання паслуг) або тэрмінах разгляду зваротаў па сутнасці.

Адказы (паведамленні) на электронныя звароты накіроўваюцца з дапамогай сістэмы ўліку і апрацоўкі зваротаў. На электронныя звароты даюцца пісьмовыя адказы (накіроўваюцца пісьмовыя апавяшчэнні) у выпадку, калі заяўнік у сваім электронным звароце просіць накіраваць пісьмовы адказ.

Прадастаўленне інфармацыі аб зваротах з сістэмы ўліку і апрацоўкі зваротаў без згоды грамадзян, іх прадстаўнікоў або юрыдычных асоб, аб якіх запытваецца інфармацыя, дапускаецца для мэт разгляду зваротаў гэтых грамадзян, іх прадстаўнікоў або юрыдычных асоб вышэйстаячым арганізацыям, а таксама іншым дзяржаўным органам і іншым дзяржаўным арганізацыям у выпадках, прадугледжаных заканадаўчымі актамі.

 

Застаюцца без разгляду па сутнасці электронныя звароты, якія (па якіх):

• пададзены не на беларускай ці рускай мове;

• не змяшчаюць назвы і (або) адрасу арганізацыі або пасады і (або) прозвішча, уласнага імя, імя па бацьку (калі такое ёсць) або ініцыялаў асобы, якой накіроўваецца зварот;

• не змяшчаюць прозвішча, уласнага імя, імя па бацьку (калі такое ёсць) або ініцыялаў грамадзяніна, адрасу яго месца жыхарства (месца знаходжання) грамадзяніна (для грамадзян);

• не змяшчаюць поўнай назвы юрыдычнай асобы і яе месца знаходжання (для юрыдычных асоб) ;

не змяшчаюць прозвішча, уласнага імя, імя па бацьку (калі такое ёсць) або ініцыялаў кіраўніка або асобы, упаўнаважанай ва ўстаноўленым парадку падпісваць звароты (для юрыдычных асоб) ;

• не выкладзена сутнасць звароту;

• змяшчаюць тэкст, які не паддаецца чытанню;

• змяшчаюць нецэнзурныя або абразлівыя словы ці выразы;

• у выпадку, калі звароты падаюцца прадстаўнікамі заяўнікаў, да зваротаў не прыкладзены электронныя дакументы, якія пацвярджаюць паўнамоцтвы прадстаўнікоў;

•  сутнасць звароту выкладзена праз спасылкі на інтэрнэт-рэсурсы;

• падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты з'яўляюцца зваротамі работніка да наймальніка або ў адпаведнасці з заканадаўчымі актамі ўстаноўлены іншай парадак падачы і разгляду такіх зваротаў;

• змяшчаюць пытанні, вырашэнне якіх не адносіцца да кампетэнцыі арганізацыі, у якую яны паступілі;

• прапушчаны без уважлівай прычыны тэрмін падачы скаргі;

• заяўнікам пададзены паўторны зварот і ў ім не змяшчаюцца новыя абставіны, якія маюць значэнне для разгляду звароту па сутнасці;

• з заяўнікам спынена перапіска па выкладзеных у звароце пытаннях;

• змяшчаюць пагрозы жыццю, здароўю і маёмасці, прымушэнне да ўчынення супрацьпраўнага дзеяння або заяўнік іншым спосабам злоўжывае правам на зварот.

Пры пакіданні электроннага звароту без разгляду па сутнасці, за выключэннем выпадкаў, калі з заяўніком спынена перапіска па выкладзеных у звароце пытаннях або зварот з'яўляецца ананімным (калі ён не змяшчае звестак аб падрыхтоўцы, учыняемым або ўчыненым злачынстве) заяўніку на працягу пяці працоўных дзён дасылаецца паведамленне з дапамогай дзяржаўнай адзінай (інтэграванай) рэспубліканскай інфармацыйнай сістэмы ўліку і апрацоўкі зваротаў грамадзян і юрыдычных асоб аб пакіданні звароту без разгляду па сутнасці з указаннем прычын прыняцця такога рашэння.

У выпадках, калі звароты падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты з'яўляюцца зваротамі работніка да наймальніка або ў адпаведнасці з заканадаўчымі актамі ўстаноўлены іншы парадак падачы і разгляду такіх зваротаў; звароты змяшчаюць пытанні, вырашэнне якіх не адносіцца да кампетэнцыі арганізацыі, у якую яны паступілі заяўнікам таксама тлумачыцца, у якую арганізацыю і ў якім парадку трэба звярнуцца для вырашэння пытанняў, выкладзеных у зваротах.

 

Адкліканне электроннага звароту

Заяўнік мае права адклікаць свой зварот да разгляду яго па сутнасці шляхам падачы адпаведнай электроннай заявы. У выпадку адклікання заяўнікам свайго звароту арганізацыя, індывідуальны прадпрымальнік спыняюць разгляд такога звароту па сутнасці без апавяшчэння аб гэтым заяўніка.

 

Абскарджанне адказаў на звароты.

Адказ на зварот або рашэнне аб пакіданні звароту без разгляду па сутнасці могуць быць абскарджаны ў вышэйстаячую арганізацыю.

 

Разгляд электронных зваротаў, якія носяць масавы характар.

Калі электронныя звароты, якія паступаюць аналагічнага зместу ад розных заяўнікаў, маюць масавы характар ​​(больш за дзесяць зваротаў), адказы на такія звароты па рашэнню кіраўніка арганізацыі або асобы, упаўнаважанай ім падпісваць ва ўстаноўленым парадку адказы на звароты, могуць размяшчацца на афіцыйным сайце арганізацыі ў глабальнай камп'ютарнай сетцы без накіравання адказаў (апавяшчэнняў) заяўнікам. Пасля размяшчэння на афіцыйным сайце арганізацыі ў глабальнай камп'ютарнай сетцы Інтэрнэт інфармацыі наступныя пісьмовыя і (або) электронныя звароты аналагічнага зместу не падлягаюць разгляду і адказы (паведамлення) на іх заяўнікам не накіроўваюцца.